ارجوك .. ياقلم
=======
يا قلم قوللى ...... أيه مخبيه لىّ تانى الايام
اللى اتكتب كله ألم ...... مفيش لحظه امان
ليه حظى كده اطلع من الوهم ... الاقى سراب
ليه أفضل ماشى فى البلاد ... غريب وحيران
حتى فى مكانى ساعات .... بطير للسحاب
وأرجع ألاقى نفسى تحت ... تحت التراب
الكلمه تبقى هوان والحرف ناقص فى الميزان
وفى كل قصه أو روايه الاقى البطل لازم يهان
......
يا قلم ياسبب الالم .... اتعدل بقه فى الكلام
تناسى الاسيه ...... سيبك بقه من الاحزان
أكتب حتى على طبله أو أكتب بلا أوراق
أو حتى أكتب على طار. شخلل الصاجات
يلا ياقلم قوم أغتسل وياريت تغرق جوه المياه
يمكن يكون فكرك ردىء وتتعدل بعد الاغتسال
تعبتنى معاك ياقلم ...كرهت كل الذكريات
حرقت كل الكلام . قلت أرمى كل اللى فات
لقيتك حافظ كل الكلام . . مخرن كل الجراح
غيرت لون المداد قلت يمكن تنسى اللى فات
لقيت لسانك نفس اللسان بيحكى نفس الكلام
لقيت الحزن فيك اصبح زياده زاد عن زمان
لقيت الوهم فيك هو الامل هو طريق الامان
لقيت الحقيقه مره أصبحت خايف من الكلام
ارجوك ياقلم كفايه ألم اتركنى لحالى ياغدار
أتوسل أليك ارحمنى تعبت من كتر العذاب
.......
تحياتى لجميعكم
كلمات قلم / الصابر
موضوع: 000 أرجوك يا قلم 000 
الثلاثاء أغسطس 10, 2010 11:20 pm
