الصابر
مشرف الشعر والادب العام
رقم العضويه : 5
عدد المساهمات : 64
تاريخ التسجيل : 07/08/2010
 |  موضوع: 000 قالت لى 000  الأربعاء أغسطس 18, 2010 6:11 am | |
| قالت لى
=====
قالت لى أمسك القلم
وقوم بسرعه هات الورق
اكتب وأملا السطور
وابعد عن سطور الالم
قالت لى دون اللى جاى
شوف حياتنا ويا الزمن
اكتب بصدق فيه امان
عن حبنا وازاى اتولد
قالت لى اوعى تخاف م الزمن
قالت بحبك جوه الزمن
قالت تعالا نتحدى الزمن
قالت تعالا نتحدى البشر
بأيدها شاورت ع الزمان
على شجره كبيره مثمره
شجره بتحارب الزمان
والكل يعشق ضلها
شجره مزروعه من زمان
فى ركن بعيد م البستان
قعدنا وحدنا تحت ظلها
اوراقها كانت بترقص لنا
والطيور بتغنى لحن الهوى
قالت لى يلا نكتب على جذعها
نرسم عليه قلب واحد
نكتب فيه حروف اسمنا
حبنا هيعيش للابد
كل يوم راح نيجى هنا
وضحكت وقالت
هات الورق وأمسك القلم
تعالا نكتب انا وانت فوق السما
تعلا نغنى بالحان حبنا
حبنا اقوى من اى محن
قالت لى
كل يوم نكتب حرف
حرف يقول بحب
حرف يقول عشقت
ونجمع كل الحروف
نزرع بيها ورود
فى بستان عشقنا
تحت شجرة حبنا
د القلب مفهش خوف
لا من برد ولا من خريف
قالت لى عمرنا ماراح نفترق
حبنا فى القلب اقوى من انه يتهزم
قلت لها
انتى الحياه وكل الامانى
انتى اللى رجع بيها شبابى
انتى اللى هحارب بيها الزمن
انتى اغلا من كل غالى
انتى اللى نسيت بيها الالم
وفجأه هل الزمان
قال لى اصحى يا انسان
شفته بيطلع ليّ اللسان
سالنى نفس السؤال
اللى دايماّ يسأله
واللى دايماّ معاه جراح
قال لى حبيبك فين راح ؟
صحيت لقيت نفسى وحدى
اتارى الهوى كان سارقنى
قاعد تحت شجره حزينه
شجره دار عليها الزمن
شجره فى وسط الرمال
عايشه فى حروب ويا الرياح
لافيها ثمر ولاحتى ورق
صحيت لقيت نفسى وحدى
الورق والقلم طاروا بعيد عنى
بأعلى صوتى ناديت على قلمى
قلت له تعالا قوام ياصاحبى
تعالا يللى عشت معايا حلمى
تعالا داوى لىّ جرحى
جانى القلم يجرى
جانى وهو بيبكى
قلت له امسح دموعك يا قلمى
ويلا بسرعه امسح دمعتى
قلت له فين راحت غنوتى ؟
راح فين اللى كان مواسينى ؟
قلت له ليه
حتى الحلم يجرخنى ؟
قال القلم د كان حلم ياصاحبى
انساه وبلاش معاك تتعبنى
قال القلم تعالى نكتب الالم
تعالا نقول مين اللى يقدر ع الزمن
قلت للقلم يلا هات سطور الالم
تعالى نكتب ياقلم على غدر الزمن
تعالا نحكى ع المخدوعين فى الهوى
ع الشجر اللى اصبح من غير ورق
ع الشجر اللى كبر وضحك عليه الزمن
ع القلوب اللى اترسمت على جذوع الشجر
ع القلب اللى انظلم وأفتكروا انه حجر
ع الورق اللى وقع من ع الشجر
ع الورق اللى اتحرق من نار الهوى
ع العيون اللى بتخدع وبتقتل حتى الامل
ع الامل اللى كان واللى اصبح الم
ع الصبيه اللى عايشه تايهه ويا الهوى
ع الهوى اللى عمره ما صدق
مسكت الورق وفى ايدى القلم
قلت يلا ياقلم اكتب ولحن الجمل
يلا اكتب على كل سطور الالم
ولو فى يوم خلص منا الورق
اكتب على جذوع الشجر
======
كلمات / قلم الصابر | |
|
cartoon
المدير العام
رقم العضويه : 1
عدد المساهمات : 186
تاريخ التسجيل : 31/07/2010
الموقع : kuwait
| | موضوع: رد: 000 قالت لى 000 الأربعاء أغسطس 18, 2010 7:24 am | |
| الله على الكلمات الرائعه والجميله وسلمت يداك يا الغالى | |
|
ابوعلاوى
نائب المدير العام
رقم العضويه : 3
عدد المساهمات : 48
تاريخ التسجيل : 02/08/2010
العمر : 63
| | موضوع: الله الله للقلم معاني كثيرة وجميله // تسلم يالصابر على هكذا اطراء الخميس أغسطس 26, 2010 6:19 am | |
| مسكت الورق وفى ايدى القلم
قلت يلا ياقلم اكتب ولحن الجمل
يلا اكتب على كل سطور الالم
ولو فى يوم خلص منا الورق
اكتب على جذوع الشجر
بسم الله الرحمن الرحيم
الحمد لله رب العالمين
الصلاة والسلام على خاتم الأنبياء والمرسلين وآله الطيبين الطاهرين وصحبه اجمعين وسلم تسليما كثيرا
الاخ العزيز الغالي الصابر
السلام عليكم ورحمة الله تعالى وبركاته
تحية طيبة خالصة مخلصة
عزيزي الفاضل
أجدت وأبدعت ، بارك الله تعالى بالجهود المبذولة ، ، لك خالص تحياتي وتقديري، الموضوع رائع، ، بالتوفيق والسؤدد إن شاء الله تعالى... تقبل مروري | |
|
الصابر
مشرف الشعر والادب العام
رقم العضويه : 5
عدد المساهمات : 64
تاريخ التسجيل : 07/08/2010
| | موضوع: رد: 000 قالت لى 000 الخميس سبتمبر 02, 2010 5:46 pm | |
| اشكرك حبيبى كرتون
وربنا لا يحرمنا منك تشريف حضرتك
كل عام وانتم بخير
الصابر - cartoon كتب:
- الله على الكلمات الرائعه والجميله وسلمت يداك يا الغالى
| |
|
الصابر
مشرف الشعر والادب العام
رقم العضويه : 5
عدد المساهمات : 64
تاريخ التسجيل : 07/08/2010
| | موضوع: رد: 000 قالت لى 000 الخميس سبتمبر 02, 2010 5:49 pm | |
|
الفاضل الخ ابو علاوى
اشكر حضرتك على تشريفكم الجميل وكلماتكم الرقيقه
دمتم فى حفظ الله
كل عام وانتم بخير
الصابر
- ابوعلاوى كتب:
مسكت الورق وفى ايدى القلم
قلت يلا ياقلم اكتب ولحن الجمل
يلا اكتب على كل سطور الالم
ولو فى يوم خلص منا الورق
اكتب على جذوع الشجر
بسم الله الرحمن الرحيم
الحمد لله رب العالمين
الصلاة والسلام على خاتم الأنبياء والمرسلين وآله الطيبين الطاهرين وصحبه اجمعين وسلم تسليما كثيرا
الاخ العزيز الغالي الصابر
السلام عليكم ورحمة الله تعالى وبركاته
تحية طيبة خالصة مخلصة
عزيزي الفاضل
أجدت وأبدعت ، بارك الله تعالى بالجهود المبذولة ، ، لك خالص تحياتي وتقديري، الموضوع رائع، ، بالتوفيق والسؤدد إن شاء الله تعالى... تقبل مروري | |
|
