000 اجمل التهتنى بالعيد السعيد 000

تهنئه بالعيد

=======

والله راح توحشنا قوى يا اغلا الاحباب

ليه بس؟ قوام بتسيبنا بسرعه يارمضان

والله هلالك علينا اّيه والله مليان نفحات

حتى وداعك ايه فيه الفرحه وفيه اعياد

معقول ؟ عدوا تلاتين يوم بسرعه قوام

ايامك جميله . بتعدى علينا كأنها أحلام

بتمشى وسايب جوه القلب لهفه واشواق

لانك غالى على القلوب ومكرم عند الله

.....

تمشى وتفرحنا بيوم العيد بتلبسنا قلب جديد

بتمشى والكل سعيد . والله بعوده يا رمضان

بنغنيلك بفرحه وشوق . ونهى روحنا بالعيد

ونبدء تانى نحسب ليك . نقعد نحسب الايام

اوقاتك محسوبه بالثوانى ايامك فرح واغانى

نشوفك جاى فوق فى العالى وفى ايدك هلال

......

فيك الاخلاق وكلك ذوق صلواتك ترد الروح

بغفران من رب الكون . ..بتنقذنا من شر النار

مهما تمشى راح تعود جوه القلب هنا موجود

سايب لينا ذكرى عظيمه جوه اّيه اسمها قراّن

نور وهدايه فى سوره واّيه بتطمن كل القلوب

رحمه ونور والناس تتعارف بالموده والسلام

.......

الايمان عمل الخير الايمان محبه ورضا وقبول

الايمان تحب الله تحب الناس .. وتكره الارهاب

صومنا .. وصلينا على النبى هادينا تلاتين يوم

يلا بقا نشوف ربنا جوه العمل الصالح والايمان

ونداوم دايما على الصلاه . بقلب سعيد مسرور

نحب بلدنا بأيمان . ولاننسى فى يوم حب الجار

.......

تهنئه من قلبى لكل حبايبى فى منتدى جنة الفردوس

تهنئه صادقه الى كل المسلمون فى شتى بقاع الارض

عيد سعيد

.......

عيد سعيد على مصر جديد

عيد سعيد على كل شبر فى بلادنا العربيه

عيد سعيد على العالم اجمع

عيد سعيد لكل البشر من كل لون وكل لغه

عيد سعيد على اتباع موسى الكليم والكلمه المسيح والصادق الامين

======

تحياتى / قلم الصابر

بارك الله فيك اخى الصابر على ما قدمت

وعيدك مبارك وكل عام والجميع بخير

السلام عليكم ورحمة الله وبركاته

اشكرك عزيزى الفاضل ابو هدى وكل عام وحضراتكم بخير

الصابر